中山、珠海、澳門>.<我黎啦~~

一連放左5日大假....聽日同後日就要返工....要幫手帶團呀﹗

去邊呢﹖就係中山、珠海、澳門兩天團啦﹗

我地一行有百二人，我負責其中一車，都係四十幾人啦﹗

其實我本身就無領隊同導遊牌既，不過就經常做領隊，基本上都掌握到工作既大

概，遲下有時間或者都會考番個領隊牌既，做下part-time都好呀~~

按行程聽日會先到澳門，夜晚就係4星級香泉酒店，希望間酒店ok啦~~

其實今次既旅程係第二日有一個行程對我係好重要，就係去「蘆薈世界」。呢個

地方我之前帶團已經去過，買過一支蘆薈膏，係有好多功能，都係四十幾蚊，今

次我要買多兩支，希望可以爭取到領隊價，好似平成十蚊架~~

由於都經常要短暫外遊，所以我執野都好快，同埋第一日要著制服，又唔洗諗著

咩衫，慳番﹗其實帶團著咩衫都係一個學問，儘量唔好著低領既衫，因為成日都

要烏低身，怕走光﹗又唔好著太貼身，要方便自己活動，唔洗就住就住嘛﹗以上

既都係經驗既累積，不過唔係好專業架﹗

好啦......返黎再同大家分享~~

今晚tvb播緊中日排球大戰，播播下又播左其他野，我好鍾意睇

女排架﹗激氣呀﹗