Happy Birthday to Winnie!

同事Winnie生日, 所以琴晚放工去買材料整蛋糕同佢慶祝!

不過今次做蛋糕真係一波三折...首先係一盒十隻雞蛋..打出黎十隻都爛... 爛都唔緊要, 好彩媽咪都有買蛋......但都未算黑...我竟然倒瀉左兜爛蛋.... 

焗蛋糕底..首先唔記得落牛油..繼而掛住攪mousse 部份材料.,唔記得自己焗緊野...到我發現時..個蛋糕己經係黑色..出晒煙.. 包括我頭頂都出緊煙... 好彩之後無咩事發生.唔係今日就無蛋糕食啦!

呢兩粒車厘子..係我去生果檔買檸檬是阿姐塞俾我o既! 唔好以為係我太可愛有人送生果比我食呀  我係比人呃咋..

我買2個檸檬應該係 $4蚊雞架..俾十蚊阿姐..佢問我有無一蚊銀呀  俾左佢之後, 佢塞左一個林柿 同埋 2 粒車厘子俾我..順手塞埋入我手袋..再加多句"收平左你$5蚊啦"  哇...咩世界呀? 賣生果好過去搶呀

不過都多得呢2粒車厘子, 令蛋糕生色不少  但係我見到個柿..唔知講咩好啦.我又唔鐘意食...

Winnie其實係我同Team o既同事, 好好傾架..有咩著數都預埋我架..佢仲好欣賞我整o既野食..所以佢生日我都會整蛋糕同佢慶祝架!

咁食咩..就由佢揀啦, 因為佢不嬲係我地顧問黎架..有時諗唔到食咩, 佢會有好多idea架!

今次佢揀左公司出面世紀酒店 o既老上海飯店!
呢間舊年食過呀!幾好味架!伙記仲好好人架..好Funny架!

野食呢..其實呢度好老字號咁..所以賣相唔會係好靚架..但味道幾好呀!

醉雞

炸銀絲卷

炒年糕係我最鐘意o既野, 所以我一定要食架...

蔥爆羊肉..正呀!

炒飯 - 係叫俾飯桶食架!

三個人食得七七八八.........丫!唔係..係八八九九呀! 呢張係未食完影架.....我地最後係食晒架!!

高力豆沙..伙記叔叔話廚房唔會整3個咁少架..不過見我地咁想食..又驚食唔晒..就特別叫廚房俾我地叫3個啦!
好好味架!

仲有綠豆沙送..都好正架..

食飽飯..就要番公司.今日好多野做..到 ５點幾先有時間準備蛋糕．

Winnie估唔到仲有蛋糕食, 好開心咁呀!

 Ｈａｐｐｙ　Ｂｉｒｔｈｄａｙ！