地鐵今朝發生咩事？

今朝八點鐘落樓，去到地鐵站月台，嚇左我一跳，兩年幾日日搭觀塘線都未見過咁墟冚！到底發生左咩事？我又聽唔到地鐵有咩廣播，見d乘客又鬼死咁冷靜，好似冇咩事發生咁，但架車去到牛頭角已經有人上唔到車，確係唔尋常喎！

架車到樂富既時候，d人湧入黎，車廂即刻變成一罐沙甸魚！唔使講，去到九龍塘仲恐怖啦！道門關足五、六次都未開得車，到關好啦，車長突然開咪問：「有咩需要協助？」，睇怕有人暈左，唉，我都想暈埋一份！到架車真係開動既時候，我見到個站既人龍已經排到去對面月台！好辛苦咁捱到太子站，個個跑去對面月台，架車竟然關門開走！睇睇隻錶，平時到太子站只需20分鐘既車程，我今日竟然用左40分鐘！！

以為只係觀塘線有事，點知第二架觀塘線車都埋站啦，往荃灣o個架仲未黎，死火！觀塘線大軍壓境，條龍又係排到對面月台咁滯！結果由太子往荃灣一段，我又好似打左場硬仗咁！到底有冇人知地鐵發生咩事？點解會咁架？搞到我遲大到！我check過新聞又冇提起喎！我家下勁疑惑！有冇人知道可以話我知呀？