地震過后

呢幾日國內最大最轟動嘅新聞就係四川大地震.每日都有新嘅消息傳出,無論係好定唔好嘅.小魚每日都有留意新聞同埋有關報導.連我自己都係呢幾日先髮覺,原來自己係咁關心國傢嘅事.今日一朝早出門口之前睇咗下新聞,報導話死亡人數估計有5萬人...一個令人震驚嘅數字...好多條無辜嘅生命葬送喺瓦礫廢墟之下.

災難發生,人民陷入一片悲痛之中.每次睇到一幕幕救人嘅畫面,被救出嘅幸存者,被抬出嘅一句句遇難者嘅屍體,仲有失去親人嘅傢屬痛苦嘅表情,我都覺得好難過.

一直睇關于地震嘅新聞,有幾個報導同埋畫面,實在令我難以忘記.

tvb一個前綫記者喺新聞報導嘅時候,話喺去重災區嘅路上,由于道路被毀,舉步維艱,同時亦要小心山上滾落嚟嘅石頭,一步一驚心.而佢自己,亦都親眼見到有趕赴災區救援嘅解放軍被山上面跌落嚟嘅大石砸死.有三個深入災區救援嘅護士兩死一重傷,護士嘅同事喊住話,犧牲嘅護士只有20歲,先出嚟做咗一個月嘢...小魚mami喺旁邊睇到流曬眼淚..其實呢班勇敢嘅人,係好值得我哋嘅緻敬!!希望佢哋喺救人嘅同時,亦都好好保護自己!!!!!

食飯嘅時候仍然都係睇緊中央電視臺嘅連綫直擊.其中有個女仔被救出嚟當日,就係佢嘅16歲生日,週圍嘅戰士一路救佢出嚟一路對佢唱生日歌..嗰首"祝妳生日快樂".係我到目前為止聽到最好聽最感人嘅生日歌.

我諗好多有留意地震新聞嘅人都睇過溫傢寶總理去探望受災嘅小朋友嘅片段.其中有一段係溫總理握住一個著住橙色衫嘅痛苦嘅小妹妹嘅手,同佢講國傢會照顧佢哋嗰段片段,每次睇我都覺得好難受,尤其係溫總理心痛咁叫佢"別哭,別哭"嘅時候,真係覺得好心痛..

今日睇報紙,有個14歲嘅女仔堅持咗60個鐘被救出嚟之后10分鍾,就離開咗呢個世界,佢爸爸將佢放喺火堆旁邊,搓住佢只手不斷話...佢對手仲係好柔軟,佢可能係瞓著咗,過一陣就會醒返呢...嗰種失去愛女嘅痛苦...連旁人都覺得心酸...

一次大地震,生靈塗炭,令好多人痛失傢園.

我哋身處嘅地方仍然平靜仍然舒適.同係中國人,血濃于水,可以做嘅,就係盡自己能力捐錢或者捐獻佢哋需要嘅物資.

希望災區嘅人民可以早日走出隂影,重建傢園.祝福佢哋!!