如果我中了六合彩

2008年10月30日 (星期四)

前一日難得地走左去買六合彩, 我好小會買呀, 因為我覺得中0既機會率實在太小,

不過見獎金有成4千幾萬, 咪買$20 law, 中就中, 唔中又唔洗肉痛

都知自己無中獎運啦, 不過不妨幻想一下, 中0左會用黎做咩啦

歡迎黎到 "幻想進行曲"....現在正式開始

1) 我諗我就算中0左都唔會俾人知呀 (除0左屋企人 or 好熟個d law)唔好話我衰住,  係有解釋0既 , 你諗下, 咁有錢wor, 一陣俾人捉0左去點算呀, 真係中0左仲衰過未中

2) 之後呢, 就開始睇反2間屋啦, 一間俾爸爸 & 媽媽佢地養老, 第2間呢, 就係我自己0既, 我自己個間要養得狗狗0既, 因為我好鐘意狗狗呀,  2間屋都唔洗太大...600 - 700呎都好好啦, 點解唔買大d, 因為我覺得間屋咁大會無安全感law..(呢個理由係唔係怪0左小小呢), 不過真係真架wor..

3) 再之後, 就係請一個好好好好好好0既護士去照顧我婆婆啦 (最好可以係夜晚同我婆婆按摩痛處, 咁婆婆就可以訓得好好啦), 身體再好一點後, 搵一個好叻好叻0既醫生去醫好我婆婆雙眼 (我諗睇得反野係婆婆最大0既願望)

4) 再再再之後, 我想拎2百萬出黎做善事, 希望幫到好多好多人

5) 再再再再之後, 就開始分錢俾屋企人啦 爸爸 & 媽媽 (5 百萬) / 細佬 (50萬, 再供佢去外國讀書)

6) 再再再再再之後, 報個自己讀0既課程 (好似婚紗設計), 開個狗埸收留流浪0既狗狗..可以0既話最好就可以養到佢地老啦.......仲有好多好多

7) 唔知仲有幾多可以用, 不過有多0既就用黎投資啦

睇反先知我用0左好多個百萬呀, 人生又可以搵到幾多個百萬, 不過點都唔緊要, 最緊要都係過得開心同滿足.....呵呵呵呵 (自我安慰中......................)

呵, 講到好大想頭呀...不過真係諗下都開心呀....一講就講0左咁多啦wor...

幻想完啦, 仲有個好消息, 就係, 之前economic 個份功課我0羅到 97 分呀, 好開心呀

(有相為證0架  ..... 呵呵呵呵呵呵呵呵)