日本遊第五天 (21-Jan)

1. 我同太太每去一處地方都會去一去當地的水族館，之前去過大阪的海遊館，橫濱的八景島，和倫敦的 London Aquarium，今次去到沖繩就去了沖縄美ら海水族館。
2. 呢個水族館離我住的那霸市好遠，要先搭個半鐘巴士去名護（成 2000 yen 一個人），去到名護發現去水族館的巴士要一個鐘頭後才開出，唔想等之下唯有搭的士（盛惠 3000 yen）。
3. 個水族館其實都幾普通，最特別係有兩條大鯨鯊（圖），突眼魔鬼鱼（圖）同埋發光魚。而附近o既海龜海館有好多巨大海龜， 而海牛館個兩隻海牛都幾可愛。
4. 水族館間餐廳係正個大水缸隔離，我地就係 "window seat"，度食午餐，一路食一路睇魚都幾得意。
5. 到左三點幾我地就走人，不過又係要等成大半個鐘先有巴士，所以都係搭的士加長途巴士返那霸，來回總共萬四 yen。
6. 返到那霸，去了國際通一間較為 up dup o既家庭料理食番尋日個個炒苦瓜定食，點知呢間整得好難食，冇午餐肉吊味之餘又冇香味，另外叫o既炒米粉又係好難食，浪費左寶貴o既一餐，最後谷鬼氣去麥當奴食番個雞飽餐補數。

沖縄美ら海水族館

我最鍾意食o既海參


兩隻美人魚一齊瞓覺


成 2000 yen 巴士


煙韌豆腐、沖繩傳統茶、好味飯團


手信之一：苦瓜乾，我啲同事就有口褔啦