日本遊第一天 (17-Jan)

今年終於識得行地下商場去酒店，就係係新宿東口跟住丸/內線落一層，係 B10 出口就可以去到 Subnode 商場，再去新宿西武駅就搵到我間酒店，雖然行多左路，不過至少可以避免路上o既寒風。去到酒店都五點幾，個天都黑哂：

見個天咁黑都唔想去咁遠，就咁係博多天神食麵同去左間 100 yen 壽司。本來想去夾公仔，不過間間鋪都好冷清（可能係平日而且時間尚早），啲公仔又唔靚，剩係玩左兩鋪 Mario Kart（唔好玩） 就走。最後買左啲零食就返酒店。

杯珍珠奶茶難飲到死，啲柑就有少少怪味，不過都要食架啦，係日本最平o既生果就係柑。

上網一陣同啲朋友打招呼，點知個個都對我帶 notebook 旅行覺得好奇怪，又 "crazy" 又 "silly"，真係大驚少怪 。