何三分

係公司做野做到悶悶地, 又係時候打D無聊野黎解下悶

第一樣想講既就係死八婆, 乜得佢真係咁Q好氣架姐, 日日返到黎第一時間就話依個病又話果個病, 人地打個乞痴, 索兩下鼻又即刻問人係咪病, 關你叉事咩, 你咁驚人病你咪帶口罩lor, 又唔知自己索鼻比任何一個人仲要大聲, 你自己都會打乞痴啦, 每次死八婆一問人係咪病, 我就好想企起身另轉頭兜巴打死佢, 不過我會忍, 忍到新年, 我就遞信, 理得你地死!!

第二樣想講, 都係死八婆, 話說我之前為左月曆事件已經煩左好耐, 依家d月曆終於到手, 錢都比埋, 諗住件事告一段落啦, 點知個死八婆一見到個月曆就係度彈三彈四, 又話印得唔好又話遲d自己拎個靚d既返黎, 又話老細一定唔中意, 頂你, 你又唔係老細你又知唔中意?? 又唔洗你錢, 你唔中意咪唔好要lor, 又冇人迫你既!!! 好在老細到依家都冇出過一句聲話唔好, 你快d同我去跳樓死呀!!

講左咁多, 唔爭在講埋, 都係死八婆, 上星期五CS放左假, 佢個客打黎搵唔到個佢就搵死八婆, 點知打左三次黎死八婆都講緊電話, 我有同死八婆講有人搵佢, 但佢又唔肯覆人, 個客就發爛ja, 跟住我同死八婆講, 個客發哂老脾話你唔覆佢, 跟住死八婆竟然發我火, 話個客唔係佢跟做咩要覆佢, 又大大聲話痴線架, 我心諗, 個客夠唔關我事啦, 你又有咩資格發我火呀!!!

點解依個世界咁多人死都未輪到佢架?!
唉...本來想打下D無聊野...點知變左發洩添...
為左double pay....我要忍三分, 讓三分, 退三分....我都應該改個名叫何三分了...