電腦壞了

部電腦係星期一無端端壞左，開機只係黑晒個mon...搞到今日先可以寫blog，點解今日有得用?唔係因為部電腦已經整返好，而係honey今晚過左來，佢拎左部notebook 俾我用。

無電腦的日子....以前覺得好難過，但可能因為人大左，唔覺得上網係咁重要 ，返而無左電會係到睇下書聽下歌，咁就一日，d 日子好似充實d。近來睇緊一本新書，書名是"不存在的女兒"，講一對couple，生左個twins 其中一個女兒患有唐氏宗合症...個男主角小時候的妹妹也是有這個病，為左唔想個女成為一家人的負累，佢厄佢太太話個女一出世就死左....個結果係點我都仲未睇，睇完話俾你地知啦。

有好消息，今日有公司打電話來叫我下個星期三去返工，其實一直都好擔心唔知要等幾耐先搵到野做，因為之前send 左出去的letter一個都未有聲氣；honey 成日都話無咁快，起碼要等二個星期左右先會有回覆.....等的日子真係好難過架!!

而家咁快有工返反而唔知點好，因為怕唔岩自己心水....但始終都要搵野做，因為唔搵野做唔通做雙失咩!!