英雄出少年

感恩節後shopping大家都喺電視睇過。d人為左慳少少錢，半夜排隊，打崩頭, 踹死人再所不計！

擒日，阿N要番工，一個人戇居居，我都去左shopping。經濟唔好，買嘢嘅人明顯比往年少。我簡左件衫比老豆，就斯斯然去排隊比錢。過時過節，d鋪頭都會維哂繩，好生意嘅分分鐘打哂蛇餅！我買嘢 lee間唔算多人頂多十幾個，埋到龍尾，外面有個睇樣十零歲嘅死靚仔, 一踎低捐過條繩就喺我前面攝左入嚟。唔夠一陣，有個大肥婆又喼埋佢道，個死靚仔心知有愧, 出力攬住個肥婆，特登大大聲叫阿媽…原來佢幫老母霸位，吖扯! 做得出唔怕認！使乜整色整水！ 心諗姐姐仲有命等, 不過阿伯有個仔真係好家教！

排排下，因為穿過鋪頭中間嘅行人路, 條隊斷開兩截。條靚kang過左去，冇耐我又跟上去, 人排佢排條靚kang硬係唔出唔入吖喺路中心，我都冇咁好氣，反正佢都冇嚟規舉, 我咪企埋佢老母後面。一陣佢又哽下哽下, 哽番埋嚟黐住佢老母, 喂喂喂! 使唔使餵埋奶？點知到左counter又有一件靚妹唔知喺邊道彈出嚟，原來佢仲要幫條菜霸位。男人老狗為左一個位咁大把，真係鬼祟!