回憶…

我係一個公園餵咗流浪貓都有一年了.(最近已經開始唔駛 ,因為有兩隻大貓唔係度,一隻車死咗、一隻病死聽其它餵貓朋友講, 牠生前幾日有尿道炎,同時都有餵佢食葯.但係佢都離開咗,其它既貓就好幸運咁啱有人收養.〕雖然一年時間只係早晚餵佢地 .但同牠們好有感情,時時睇到佢咃玩到一團又係草叢追來追去,真係好開心每次餵完都陪佢哋尤其夜晚就會再坐耐D。嗰個公園前後都泊滿車,每分鐘都有車出出入入.D喵喵又唔知危險,有時會係車底、車邊行,次次見到又驚又擔心.天氣凍、又或者落雨,喵喵只可以匿係車底.真係好鬼危險!彤彤就係咁車死咗依家講返都眼濕濕

病死咗既係豹豹,佢唔係個公園生活,但晚晚都會來、佢好有耐性,牠可以坐好耐等人餵,而且十分食得、食完自己個D就會望下其它貓有冇食剩,食人囗水尾。佢為左食真係乜都制,成日係我地腳邊擦來擦,又在地上滾來滾去,佢又唔知自己肥又論盡,睇到佢咁既傻樣唔忍心唔比野佢食~佢好識嗲人,成日係腳邊擦來擦去,就算陌生人佢都唔怕醜,癡埋人身邊睇下有冇小食,真係頂佢唔順人係到傾計,佢又癡埋黎=口=「借D椅」行埋D行埋D…仲要一路坐一路瞌眼訓,成個呀伯咁。佢對人、細貓同貓女就好好,唯獨佢對彤彤就好似有仇咁,成日追彤彤,仲要吼我地唔為意個陣追佢==佢仲好好打,成日同其他大貓打架,好多大貓見到佢都忌佢三分,好勁嫁！！

不過以後再見唔到佢,見唔到佢為食個樣、擦鞋個樣、論盡個樣、追彤彤個樣、惡個樣、狡猾個樣…總之就係見唔到佢個樣……我諗係唔係佢死都要追彤彤,追到去彩虹橋……

佢個樣 有時好傻,有時好狡猾,十分掛念佢既傻樣,但只可睇返相同短片』感覺是這麼近那麼遠

餵喵喵個段日字認識咗一對年輕夫婦,佢地每晚除咗去公園到餵,仲要去餵附近可憐既喵喵.有喵喵最近因傷口爆線,佢地即刻就話聽朝帶喵喵睇 e生,我即時好感動.佢地不但出力又出錢為D流浪喵.好想代D流浪喵講聲 多謝!睇完e生個隻喵喵當日就轉交比阿欣收養 ,新主人叫牠做忌廉。 忌廉、可樂要健健康康聽主人話。可樂係忌廉既細佬。唯一安慰就係D喵喵有好心人收養!

http://hk.video.yahoo.com/video/play?vid=325501
http://hk.video.yahoo.com/video/play?vid=334702