失色的仙宮樓

年輕的時候巳經知道有呢間食肆,但係當時未出來做野,所以無錢入去食. 後來出來做左野,但係又唔再係成日經過呢間鋪頭,所以又無入去食. 直至前幾年有朋友話去呢間鋪頭食, 一食就覺得好好味. 數年後又再約同事們一起再去食去為其中一個同事慶祝生日. 點知...............真係幾失望呀~~~

成晚我地只係覺得呢個唔記得左個名的拼盆幾好食. (有雞絲粉皮,有雲泥白肉,同埋海折)

跟住仲有個非常一般的北京填鴨.

平時去呢 d 川菜鋪我最鐘意食的其中一樣野就係叉子燒餅. 上次食過都好好食.今次又再叫叉子燒餅,餡料叫左炸菜肉碎. 唉..............點知個餅又唔脆,d 餡料又唔夠味.

另外仲叫左其他野食,不過掛住傾計,所以無一一影相.

不過全晚最好味,又唔記得影相的係.................拔絲香蕉呀~~~d 糖好薄好脆.正~~