今年今日@3/9

今年既今日，臭豬b已經十八個月了，會行會走會作反既臭豬b係時候去打歲半針喇。咁啱又撞正婆婆放假，於是錫到個孫燶既婆婆就陪佢個女帶佢個女個女去健康院嘞。(明唔明呀？)

去到健康院臭豬b猛咁指住依個指住果個，見到d bB又八八卦卦咁望人哋，雖然人哋d bB都得意，但我總偏心地覺得臭豬b細個時仲得意可愛啦！

臭豬b見到健康院果喥有滑梯話想玩，一向選擇性地潔癖既我其實好怕個女玩公眾玩意，我成日覺得有好多細菌，就算係臭豬b黎我公司想玩果d bB玩具，我都唔比佢玩。之不過有時我都會諗，咁樣會對小朋友身心成長唔係咁健康，玩完最多咪抹手洗手囉，於是我到最後都比臭豬b玩『siR』滑梯。

小朋友有得玩就最開心，你睇吓臭豬b玩得幾咁認真，仲要吸引埋d狂風浪蝶添！

玩完一輪之後就去磅重、見姑娘喇。今次遇著個好NicE既姑娘，佢tEst臭豬b識唔識將d積木疊高、幫洋娃娃梳頭等，仲問我臭豬b識講d咩添。講起就真係失禮街坊，我話比姑娘聽佢只係識得講車車、婆婆、包包、波波、媽媽、dAd、遮遮同丫烏。我感覺到姑娘都覺得臭豬b識得太少，因為佢猛咁問muM muM呢？水水呢？奶奶呢？我統統都話唔識！我都擔心臭豬b唔pAss，不過倒頭來又無喎，個姑娘仲安慰我唔好要求bB識講太多野，總之見到佢有進步就oK架喇。

見完姑娘之後就到重頭戲嘞，臭豬b好似有預感咁，未打針就已經扭定計先，個樣勁不安咁。當枝針一拮落佢手臂後就喊得好可憐，好在我早有準備，同佢講話『mAmi比餅餅你食』，佢即時收聲唔喊，彷如仙丹一樣！

到我哋離開健康院準備去飲茶之際，見到個『熟人』呀，就係『丫烏』嘞。

逢親遇到一d頭戴闊邊帽、又或者蒙住面等裝束既清潔工人，臭豬b都無有識死地大叫『丫烏』。試過一兩分鐘內見到三、四個掃地工人，搞到週街都有丫烏，heHee！

飲完茶之後，我哋就去百佳sHoppiNg嘞，我好鍾意臭豬b依幾張相，影到佢跑住行咁，我覺得好cuTie呀！

買完野之後我哋就去樓下個公園玩咗陣嘞，睇吓婆婆玩得幾投入！

一個結婚週年既大日子，就咁奉獻咗比我哋既寶貝女，而主角之一既bAby先生淪為二打六，為了糊口，無出過鏡！