老細 vs 腦細

舊老細升職，捨棄我和同事「麻吉」而去，仲帶埋一班對我們不薄的文員同事瀟瀟灑灑地離開。

講開依位老細，其實也真對我們不薄，說真心話，雖然佢放手要我哋做好多野，但的確，佢亦教識咗我哋好多，最深刻既係佢同我做年度評檢時比既10分，仲講過︰

「你學有所成，可以落山嘞！」

「請到你係機構既boNus！」

感動-iNg！

臨走前，佢請我哋食飯，話就話係回饋文員同事們落力為佢對「區本」工作，但實質，我覺得係佢真心地想請我們一眾「小鬼」豪吃一餐！

貪心的小鬼們，提議到「別府」吃日本菜，未去過的我當然拍爛手掌加腳掌！當日吃得肚滿腸肥。

回味-iNg！

歡樂背後，總是要付出代價的！我既代價係換來一個「新腦細」！的確，新老細個腦真係好細，唔只咁，心胸仲好狹窄！

佢由被放逐於山卡拉梅窩重回依個繁華既天水圍，無料一味靠衝一味吹牛既佢令我覺得極為討厭！頭幾日已經同佢明刀明槍咁開火︰

「你既行事方式令我好緊張！」

「你要比多d 時間我去適應！」

「我唔Expect會有另一個主管！」

「我喺喥做咗5年，我覺得中心既運作我會比較清楚！」

「講真我對住你既時間仲多過對住我老公，我覺得我唔需要去就住就住，咁樣會好辛苦！」

「我覺得無咁既需要！」

唔知點解，突如奇來的膽識竟然一下子喺依位老細面前爆發，平易近人的我 (哈！) 喺依個肥仔面前變得好難相處，同事「麻吉」都話未見過我果一日係無笑容的！

其實我最唔鍾意係佢份人小家，最深刻既係佢抖膽扮學生打電話去港專check麻吉既返學時間(仲夠膽死check完話返比麻吉知！)。又串我個舊老細唔係註冊社工(但其實人哋係Counselling Master又唔知！)。成日暗示總監睇得起佢先會撬佢過黎幫手，但又猛咁怨依喥多野做到嘔，懶係搞 gag 咁話要槍斃自己(我真係想助佢一臂之力一槍做瓜佢！)

mAmi成日都同我講，叫我做人要圓滑d，唔好乜都掛晒上面喥。我知我知，但我仲要時間揣摩，我入世未深，點夠果d笑面虎黎吖！