新學校....

經我實地觀察，參觀開放日、參加觀課日、同學校既老師傾過計，仲帶埋臭豬b去踩場之後，我就決定同亞b轉校。

新學校係獨立校舍，係就係偏僻 d，一打風落雨就呢晒 heA，有太陽又曬到死咁，而且又不設餵藥服務，一大吉傷風食藥就要我去餵藥。

不過，我鍾意依間學校感覺pro d (係感覺！) 。

我鍾意新學校注重衛生，返到學校要換另一對鞋，同埋要每日返學都戴口罩。

我鍾意新學校有室內體能活動場，我覺得「玩」對小朋友黎講係好重要既，除咗有siR siR之外，又有其他車車等玩意。

我鍾意新學校有露天操場，可以比小朋友踩單車，曬吓太陽。

我鍾意新學校有外 籍 老師，同樣比咁多錢，點解唔揀間有鬼佬教學既？

我鍾意新學校可以延展至八點，我放工唔駛趕頭趕命咁仆去接佢。

我鍾意新學校延展包飯，亞b喺學校食埋晚飯，咁我夜晚就輕鬆好多。

一切，盡在我掌握之中，嘩哈哈哈哈 ................