城門水塘之收穫

城門水塘，秋日行山，每有收獲。唔信，跟住我迪奇起步啦~~

今日行山隊成員，以屁股排列左起：我迪奇、lolo、魚腸、怪獸lu、loklok~~

當然仲有黐住阿媽腳邊既蘇菲，同行前面既好姨~~~

同埋响鏡頭外唔知邊忽既小噹子同得b~~~

今日收穫1~~~被馬莎老細譽為〝京都嵐山〞既林道美景~~

收獲2~~水浸白千層，據說係夏天雨季先有~~依家十一月我哋仲見到，咁離奇？呢排無乜落雨喎~~

據臨時導賞員魚腸介紹，呢個景係〝柴九哥〞被掉落河個位，係咩？等我哋睇下有無留下咩蛛絲馬跡先？

如果呢度可以游水，咁就正咯~~

呢個傻婆蘇菲，靚景當前無動於衷，只埋頭搵野食。靜靜話你知，我哋响呢度搵到一條大魚，可惜畀好姨發現，夾硬拉我哋走~~

無魚食，又起行，但我迪奇唔會就此算數既~~~

呢個位，無嘢食，無收穫，係咁咦坐底畀阿媽影張相~~

以下路段，悶極，無嘢講~~

終於到咗菠蘿壩，天色灰，水唔藍，景唔靚，同大潭無得比。

又係咁咦，蘇菲是但求其擺個甫士，影張到此一遊算數~~

不過世事總有驚喜，大家唔信，請朝我迪奇目光望去~~

蘇菲已經搵到寶~~

係姿態美妙青蛙乾一隻，我迪奇咬落feel到脆卜卜~~可惜又係好快畀阿媽繳械~~~

而且阿媽話，城門水塘好鬼悶，靚景只得水浸白千層一個，又唔抵得我哋大有收穫，包括沿途執咗唔少馬騮屎食，响休憩草地又執到腸仔包，加埋水塘條鹹魚，當然仲有隻蛤蟆乾，我哋食到飽飽身又臭臭佢就肚空空，下次唔荒會encore！

下星期，應該向西貢出發，始終最美景色在西貢！