mami深知係QQ眼裏, 排第一的始終是婆婆...
記得有一次, mami在廚房洗碗婆婆去沖涼... QQ以為婆婆係廚房所以走左入黎搵佢, 點知婆婆唔係度, QQ見到mami都好似見唔到咁直行直過, 當我透明!!! 心痛C...
所以mami好中意自己一個人帶QQ出街, 因為咁樣QQ眼裏就會只得mami... 感覺同QQ出多一次街, mami就可以同QQ親近多一D咁...
可惜一個星期只得2日有咁既機會, 而每次帶QQ出去mami都會累得不得了... 因為比QQ自己行, 佢就會好似斷線風箏咁周圍撞... 所以mami一定要睇到實一實, 又要扶又要拖, 又要拎呢樣又要攞果樣, 人多過馬路上落樓梯又要抱... 點會唔累...
現階段既QQ, 佔有慾好強, 所以佢認為係佢既野, 無論係玩具定係人, 都一定唔可以比其他人親近或擁有...
呢日mami抱住朋友既初生BB, QQ居然吃醋仲扭計大喊呢... 之後mami一放手QQ就即刻收聲無哂事! 真係一D都無誇張!
後來有日在婆婆屋企, 就叫姨姨試下抱住婆婆睇下QQ會點啦~ 果然又係喊到眼淚鼻涕湧哂出黎! 跟住姨姨就黎mami度, QQ一樣喊住抗議姨姨攬住mami!
哈哈, 雖然QQ喊得好慘咁, 但見到果個情況真係忍唔住大笑! 之後, QQ就好似嬲左姨姨咁, 仲唔肯比佢抱添! 真係皇帝女...
對住QQ好多時真係好嘔血... 但當見到QQ傻傻既樣, 開心既樣, 古靈精怪既表情, 溫柔地講句"拜拜" 或飛吻, 同錫錫媽咪既時候, 又好難唔深深愛上佢, 仲要忍唔住想
"吞佢落肚"添呀!
仲學埋人玩 "bu bu 渣", 笑C...
所以mami 對住QQ 真係又愛又恨...
愛QQ錫mami的時候, 愛QQ開心的笑... 恨QQ重視婆婆多D, 恨QQ成日扭計...
CIMG3671.JPG
CIMG3667.JPG
200701101271.jpg
草菇屋 2009-11-06 00:29
媽咪同囡囡一人一對啦! http://www.flickr.com/photos/lai_yan_yan/sets/72157622442814493/
快d搵我訂啦! jessie_pooh_25@yahoo.com.hk
草菇屋 2009-10-30 23:38
草菇屋---返左過百件童裝呀!仲有靴呀!快D入黎啦!比個9折妳呀!.
花女花仔都有呀!韓國新貨!
http://www.flickr.com/photos/lai_yan_yan/sets/72157622125148347/
仲有靚靴!
http://www.flickr.com/photos/lai_yan_yan/sets/72157622442814493/
C Lam 2009-10-25 16:28
蔡萍兒 2009-10-25 02:32
遲d大個左,就知道邊個最錫佢~~
QQ媽咪~又唔洗吃醋既~~
柊柊天地 2009-10-24 00:18
梓逸ｍａｍａ 2009-10-21 11:13
哈哈~qq好可愛呀.好多表情~仲會會吃醋...好得意呢~
我抱別人bb細佬又唔喊喎~一抱哥哥就開始黎扭計...
同細佬一樣都係咁樣呢~不過細佬會打開手指空隙裝人~
桐桐豬 ^oo^ 2009-10-19 23:12
邊個陪伴小朋友多D, 小朋友就親近邊個多D, 桐桐都係痴嬤嬤多D架~!! 我地呢D返工媽咪唯有襯放假陪伴小朋友多D, 攞返D分啦......