Friday, June 20, 2008

經過左呢幾個唔使返學既禮拜, 我發現...

我是宅女 XDD

所以今日同polly+keely去左唱k =]] 短短幾個鐘我地就經歷 未開聲, 開左聲, 好high, high過頭, high完, 沙聲...

而兩位更係幾度出現非常搞野既pose XDD

呢個, 係全場keely最愛既角落...

明明有一大張sofa佢唔坐, 偏偏就係要坐個度...

而polly就更勁... 令keely+我不停影佢各式各樣既pose XDD 呢個算係好正常...

呢個都唔係最gag個個...

因為跟住polly過high, 拎住keely部相機周圍影... 一路隊部相機係物件前面黎個closeeeee up咁影之外再一路話 "monitor" "飲筒個口" 之類既野 XDD

所以搞到keely好唔gurr佢, 不停係度叫 "你唔好亂影啦!!" 再踢佢一腳...

因為佢亂咁影所以發生左大家都估唔到既事 XDD 而呢個係佢作出既反應...

總之一路唱一路望住polly仲可以做出d咩更over既野... XDD 佢仲唱左hotcha首歌+拍左 逼得寵物太緊 既mv... 可以上facebook睇 =P

熱檸蜜... 頭先放太耐變凍左 =w= 冷氣真係開太大喇 >v<

跟住我地都唱到冇力再上高音, 呀媽就黎車我地去食飯... 等到9點先有位 =w=

我地既合照 =P

跟住因為企在係外面等位, 我地透過玻璃比一班可愛既細路吸引住, 仲開始好明顯咁討論起上黎... 之後佢地發現左我地, 開始想吸引我地既注意... 但係當佢地咁做, 我地又冇心情同佢地玩 XDD

之後我同keely分一碟炒飯, polly就堅持要自己一個魚翅湯底既粉... 最後又慢又食唔晒, 仲要話坐係佢對面既我點解要望住佢食 =w= 就算唔望我都仲係feel到佢用哀怨既眼神啤住我 XDD

食完飯出到去就見到頭先個班細路係度hea... 仲同我地say hi添 =]] 不過同時佢地仲對我講左一堆我聽唔明既野 =w=

上到車之後我地唔知點解開始講起乞衣... 仲有駁髮... 哈哈全程車真係講到就快笑到癲... XDD

聽日去eaton行街 =]]