網誌分類：醒B世界 |
圖片
網誌日期：2009-07-25 20:06
在星期六的早上，天下了一場雨，原本約好帶醒B作人生第一次下水，但biMA擔心會凍，仲問biBA是否需要取消喎！但biMA問個愛玩的biBA，又點會話取消呢！所以我們原定計劃在醒B食過午餐後就馬上出發。
當我們到達後，陽光普照，天氣炎熱，正好是玩水的好時候。二話不說就為醒B換了泳衣，一於與醒B玩過痛快。不過，我倆仍是擔心醒B會驚，唔肯落水而要掃興而回。
由於biMA唔肯落水，只有biBA陪醒B落水玩，未落前仲驚緊醒B有乜反應呢，點知醒B一落泳池就開心到不得了，而且頭仔濕濕都無問題，仲要係抱上水即扭計果種，真係唔到你唔信！
同場仲有一個開朗的哥哥，佢話自己係深水炸彈，想同醒B玩，不過biBA就小小驚佢會嚇親醒B，所以佢真係由池邊不斷跳落池玩深水炸彈囉！不過醒B都無有怕！
當biBA和醒B在泳池裡托住醒B，醒B居然自己識得以蛙式腳踢水，而手仔就好自然咁找水，唔知仲以為佢識游泳添。
時間過得好快，一陣子就過了一小時，所以要抱反上水，但一如以往即扭計。但唯有下次再來過吧！
