19個月大

今個週末爸爸唔係香港，我同bb又可以過二人世界。

星期六大清早，bb係床仔度自言自語，拍自己心口，

不停講：叻叻！乖乖！媽咪！

見到佢咁搞笑，想唔醒都唔得。

自從bb由婆婆照顧，婆婆每朝都會帶bb去餐廳，

一邊食早餐，一邊等同自己一樣要湊孫既朋友。

大家食完早餐，跟住就帶孫仔去公園玩。

其中有一對兄弟，佢地好鍚 zenith，有玩具一定讓比zenith玩。

我見今日無落雨，就打算帶bb去婆婆個邊食早餐，

跟住搵埋bb既朋友仔一齊去公園影相，

點知個對兄弟今日跟左媽咪去街，無計，為有自己去玩喇！

另外，19個月大既zenith，最大進步係同人打招呼。

每次去街，無論係升降機，還是大廈大堂。

都會同人打招呼：姨姨！伯伯！早晨！拜拜！

我同人講唔該，bb又跟住講：唔該！

星期日搭的士去飲茶，一上車bb就講：刪門！開車！停！？

的士！巴士！ (好似指揮咁, KAKA)

去到酒樓就叫：舅公！靚靚！

如果係上個月既zenith，就算佢識講，都唔一定肯叫人。

所以媽咪已經覺得bb叻左好多。

BB你跑得咁快媽咪追唔切

BB不停指住話我知係: 水! 水!

跟住不停話我知係 : 花花!

正呀!

遇到 zenith 其中一個朋友仔 

又影!?

見到D花花草草就"奸仔笑"

想踩D草草

諗諗下, 又無踩

想影我既罪證, 好難喇

又係不停狂轉