下一世

由細到大

身邊仲係會有好多人問

你下一世想做男仔定女仔呀..

想做咩動物呀..

下一世你要有啲咩成就呀..

仲想唔想做你媽咪爹哋既女呀..

之類之類..

唔同唔同既關於下一世既問題...

但係對於我嚟講..

呢啲問題真係離我太遠啦..

我連呢一世都唔知幾時先過完呀..

咁快就問下一世...

都唔知幾耐先係啦....

細個既我聽到呢啲問題..

第一個答案一定係話我下一世一定要做貓仔..

因為我最鍾意貓仔啦..

連同公公傾偈..

我都係話大個要生好多好多好多貓仔送俾佢..

後來..

人大左啲..

我就希望我下一世可以唔駛再做女仔..

可以做男仔..

因為我覺得做男仔真係好方便..

而且好多生活既細節都唔駛太在乎...

但係如果你最近再問我..

我下一世想做咩..

我會話你知..

第一..

其實我根本唔想有下一世..

不過如果一定要揀既話..

我希望下一世只係一粒小塵埃..

係宇宙中間隨意飄浮..

.無人會記得呢個世界曾經有過我呢一粒塵..

亦都無人會為我左我而失望..開心..

如果我停留..

可以提醒別人時間既流逝..

但係只要輕輕一掃..

我又會離開..

而唔會留低任何既野...

無回憶...

無開心無唔開心..

亦都唔需要為咩而煩惱...

一路飄一路飄..

無歸途..

亦都無終點...

唔需要為誰而活..

亦唔需要為自己留下任何既野..

一粒塵唔會俾人記得..

亦都唔會為任何人留低..

咁就最好啦...