十月一日の花火

好耐無update下個blog啦,一來無乜影相,二來就開始係學業上要投入時間,整整下今日先有時間執好剛剛過去既十．一煙花相,之前七．一因為四川地震既關係無放,我本來以前十．一都無,而且天氣本來唔算好好,不過天公造美,個晚天氣都算唔錯,不過雖然我三點已經係個度等,都搵唔到最好既位置,所以影得唔多,而家就同大家分享下啦~

唔知呢兩艘係邊個國家既艦艇呢？

呢幾張可唔可以做明信片呢？

咁多張煙花,大家有無心頭好呢？

不過煙花係漂亮,但係香港有唔少人公德心都不甚漂亮,每次睇好之後都會有......

咁多報紙同垃圾留低,通常佢地帶報紙去係免得自己條褲污糟,但佢佢地留低用完既報紙不顧而去就係整污糟自己個心囉,唉~

呢碗魚生飯就係當日晏晝同屋企人食飯時候點既,賣相都唔錯,而且價錢都係三草野,算係可以推介一下,而用餐地點係女人街裏面,對日本野食有興趣既朋友不妨去搵搵啦,今日講到呢度又完結啦,希望黎緊既秋天會多d時間影相同大家分享啦,byebye~