今年動漫沒相看

同往年一樣,今年依舊同朋友約好十一點係灣仔等,先食d野再去動漫節會場,其實已經好幾年係咁,我地十二點到開始入場都會一路唔駛排,但係今年唔知係咪厄爾尼諾現象既關係(謎之聲:關乜事丫)氣氛異常高漲,十二點都未到竟然要排隊!!仲要排超過半小時先入到場,真係出事,咁早入場都要排,仲要有截人龍既情況......果然入到會場已經人多擠迫,即時興趣大減,結果係無排任何隊伍既情況下都用左兩個幾鐘先行完主要檔攤,原本見到幾本漫畫想買,不過人多要排之餘,新書又無特價(我之後要去旺角),係會場漫畫既支出係零,另外賊船同藍貓都無心水品,結果又係空手而回,今日既戰利品係零,另外又因為太多人既關係影唔到我想影既野,所以攝影率都係零~唉.......唯有寄望一下電腦展會唔會有好收獲啦

另外一題就係今日去旺角既原因係睇戲,原本係想睇威E既,可惜有朋友已經睇左,最後決定睇套華人多過西人既西片--Mummy 3,原本我興趣唔大,因為諗住會係純特技,不過睇落都唔錯,都有笑位,算係今日最大既收獲,好啦,今日講到呢度先,Byebye~