東京攻略~終日~皇居秋葉~

終於都到左最後一日既行程啦,講返行程方面原本只係包左皇居,二重橋同銀座呢三個地方,點解我會多左個秋葉既,轉頭話大家,而家先去相睇行程先~

去到落車既地方,遠遠就見到呢個係日本都相當有名既將士-楠正成,

呢個係江戶時代既大名紋章同埋家世圖~

係皇居對面既大草地種左唔少松樹

松樹葉都幾有趣

呢種就有d似盤景個感覺

二種橋同皇居

直既

柳樹,如果夜晚可以講下鬼故

皇居既特寫

守係門口既守衛側寫

再黎一張特寫

呢個係圍住週邊既欄杆,漂亮嗎？

緊係黎下合照先~

再黎大特寫

呢次黎張守衛特寫先~

二重橋上的單車男

皇居前有條河,河之中有佢~哈哈

呢個倒影唔夠富士山清~

呢個裝飾叫乜呢？

返轉頭上巴士前影下松葉既特寫

呢種又係乜植物呢？

見正成兄咁型,自然影多幾張。之後我我地轉戰銀座,原本聽聞銀座有坐玩具博品館,應該會有所以獲,而解我行程無秋葉之苦,點知失望而回(雖然係有買到d野),結果朋友知我失望既情況下,慢步咁行到最近既JR站-新橋

新橋站外面既古式火車頭

原來新橋站同秋葉原只係有四站之隔!只係八分鐘就到,我立即同朋友搭山手線過去(不過唔好話返俾導遊知,佢唔知呀),但係因為時間關係,我只有一個鐘時間去行,結果~

我最主要只係行左呢座八層高既Gamers(當然都買左野啦),然後就係周圍再行左一陣就同朋友再會合啦

然後就再搭返山手線去返新橋(4個站都150円,大約11.2到,香港夠過海啦)

返到銀座之後就要搵地方食晏,行過條橫街竟然見到神社？!食好後再會合領隊就去機場啦

Check in完未集合前搵個地方抖下就見到呢部賽車

呢個頭等候機室唔知幾時有機會用呢？

果然係日本,連機場都有女僕人型紙板

未上機前剛剛日落,即刻影返幾張先

有無人估到呢幾張係乜？(影既人都唔知)

呢幾張就好估d

飛機行程資料,原本諗住夜晚都無乜野影啦,跟住飛機飛到~

如北既時候

呢兩張就快門慢左d

開始有d睇啦

呢張似好多啦,無錯,就係台北既夜景啦~

都真係幾五光十色,不過隨住飛機經過,慢慢地

開始稀少

再少d

跟住飛到應該係台中附近

雖然都有d,不過就唔及台北

然後再過一個鐘到就返到去香港啦,經過過關同領行李,再搭車返到屋企都成十二點幾囉,結果,呢個五天既東京攻略就咁就完結左啦,總結黎講我都算玩得幾開心,行左都唔少地方,最可惜既係只能夠係秋葉原逗留一個鐘左近,我深信如果唔限時間一定夠我行兩三日,不過就肯定悶死唔行既朋友,根據呢個經驗,下次再去東京既話我應該依然會選旅行團式,不過就最後延期返港一至兩日,咁樣係最合適既玩法,而家都密謀緊最快出年會再去,有興趣學我咁玩既朋友通知我,睇下會唔會可以Join埋去丫,另外雖然行程篇就完左,不過我都未講過行程中既飲食,呢d就留係下一篇同大家講,大家再陪多我攻略東京多一陣啦,Byebye