天不從人願-無奈!

想起昨天,真係一肚火!
其實,這幾天,都唔係好夠時間休息.每天依然要早出晚歸.當然覺得好累.
還有點傷風,鼻子敏感有發作.再加上...我背脊尾龍骨位生了一粒膿瘡,已經腫起有3天了,好痛.
可能呢排食得熱氣野多,我個人好燥底.
我係想去睇醫生的,但是唔有時間.
我知道要去睇急症先得.因為,醫生一定會安排我入院.我去年都試過一次.
呢幾天,粒瘡痛到我坐又唔係,訓又唔係.
總之,響果D位,除了站著,任何動作都會弄到它!
我本來係想昨天去睇的,但是,我之前已經book左昨天要練車.
但是,昨天都唔好天,因為下雨我唔會出車.so,我係打算...咁ge天氣,我索性改期.咁就可以去睇醫生啦.
但是,因為我book的係7:30,如果響出車前2hrs下雨,先可以無條件改期.否則要收$100手續費.
我當然唔想晒D咁ge無謂$啦.
唯有期望個天"豪爽"地"痛快"地響5:30來一場"暴雨"啦!
早上係有落過雨,可惜係到3:00後,個天雖然陰,但是就榨不出半滴雨水!真係孤寒!
粒瘡依然好痛,痛到我有D頭暈咁ge感覺.我知道都係心理作用.
中午的時候,我發現.粒瘡自己穿左.D膿流晒出來.反而因為咁,消左D腫,沒咁痛.但是都仲覺得D膿未清.
咁,我就更期望個天落雨啦.pls~...
點知,我一直望住個天,它就一直都唔落雨!
到6:30....= ='....我知道要面對現實啦,唯有老實認真地去練車啦.
這時候,我唯有改變初充,期望我出車的時候唔好落雨.咁我可以認真練車,唔使晒我時間嘛!
終於hea到7:30,我簽左簿,出左車,去到街口等了一棧勁長時間的紅綠燈.
繼續向前駕駛啦....
點知....都未到第二個燈,前面仲有部大巴頂住,我響度等緊...個天就來落雨!
我"頂""頂""頂""頂""頂""頂""頂"!!!!!!!!!!!!!!!!!!!!!
唔係嘛!!!係唔係玩野啊!!!!!!!!!!!!!!!
我一邊行,就一邊激氣!啦啦臨駛返部車去學校.
返到屋企,都已經8點幾啦.連<同事3分親>都睇唔到.激氣!!!!
就咁,我就晒左一個晚上.

我沖左涼,用消毒藥水洗左個傷口.用膠布封住.
睇下點啦,如果係自己消腫ge,我都懶去睇醫生lor...